Shërbimi i kompanisë Google për përkthim që prej dje është paraqitur në formë të re. Veç ndryshimeve kozmetike, Google Translate sjell edhe tri risi.
Në Google theksojnë se shërbimi i tyre Google Translate mbulon 98 për qind të shfrytëzuesve të internetit, dhe atë për faktin se kupton 51 gjuhë të botës – përfshirë edhe gjuhën shqipe, gjersa veç ndryshimeve kozmetike sjell edhe risi të dobishme.
Google Translate tani e tutje nuk e përmban urdhrin Translate, mirëpo të gjitha hyrjet përkthehen në gjuhët e dëshiruara derisa shkruhen. Tjetra, për përkthimin në gjuhët si ajo tradicionale kineze Google Translate ka instaluar tastin Show Romanization, i cili do të shfaq tekstin në shkronja latine.
E treta, Google Translate ka integruar mundësinë audio për dëgjimin e tekstit, mirëpo të përkthyer ekskluzivisht në gjuhën angleze.